小麥菲大件事 2009 回歸了~

突然醒起 HSBC 信用咭的積分好似就來夠期，麥亞菲終於的起個心肝去處理下 d 多餘的積分.. (今年冇o左 citylulu coupon ，好失落丫~)

結果在急忙間換o左部 iPhone 多功能迷你喇叭… (又係 iPhone.. -.-)

淨睇外型，都幾靚仔下… 等麥亞菲收到試用之後話俾大家知好唔好用…

p.s. 據朋友 L 講，話下年 HSBC 的年資折扣將會取消，所有有關優惠將會冇哂 lu~ 想轉會的就可以諗下..

數月前麥亞菲終於買了人生的第一台 iphone (3Gs)，換了個 SMV 的無限 Data plan 後，生活方式完完全全改變了。

- 坐巴士上班時一定會睇下報紙..
- Fstream 聽我最愛的商台節目 用 HK Tool Bar 聽我最愛的商台節目
- 愛上了打機 (好多 game… )
- 原來 google calendar real time syn 落部 iphone .. (超感動呀！)
- 隨時隨地 check gmail..
- MSN..
- irc..
- o係街用 google map 搵路..
- 用 openrice 搵開飯地方..
- 影o左相之後即刻用 polarize 釀起佢再 upload 上 facebook (好宅丫~)
- 睇股票報價…
:
:

總之好處不能盡錄，一用o左之後就好難用返普通電話了..

由於太沉迷玩 iphone，近來發生o左兩件瘀事..

1) 某晚返家途中，由於太掛住 msn，結果『砵』一聲巨響，麥亞菲連人帶機炒埋落商場隻巨型落地玻璃門度，手腕輕微扭傷..

好彩當時係半夜十二點半，如果係繁忙時間就真係不得了……………… =.=

2) 翌日早上，仲未識死，坐地鐵出街o個時又係玩 iphone 玩到神神化化，出閘前走去美心西餅買早餐，跟住電話響；於是麥亞菲左手渣住電話，左邊格肋底夾住本八掛雜誌，右手拎住個雞批，分心地再用同一隻手試圖趟開飲品櫃拎盒媽媽奶再去俾錢..

點知..

剛剛推開o左度門，右手 (連雞批) 正伸入凍櫃之時，冷不防隻趟門推開o左係會識得回彈！又『砵』一聲，整個雞批慘遭分屍，結果麥亞菲仲要面懞懞地拎住個爛雞批去收銀處俾錢….

睇來麥亞菲要戒一戒了…

曾幾何時美式餐廳在港很流行，計有 Shooters 52，TGI Friday，Day Ryan，Ruby Tuesday 等，一律供應大大份的高卡食物，包括無限添飲檸茶炸雞洋蔥圈薯片水牛雞翼沙津牛扒豬仔骨軟心古古力旦榚等等，一大班人食就非常適合；加上氣氛好 (熱鬧及不拘禮節的，壽星仔仲有一大班待應圍住你唱生日歌呢..)，麥亞菲曾經亦是常客。

上星期，麥亞菲要在海港城找個靜靜的地方吃飯，突然想起了 Dan Ryan，就叫朋友 L 先行一步，到 Dan Ryan 找個好的坐位等麥亞菲來吃飯。

當然不令麥亞菲失望，星期一的 Dan Ryan 不太多人，燈光幽暗，幸好附近又沒有太嘈的食客，非常適合晚飯聊天。

令麥亞菲驚喜是，Day Ryan 竟然有晚餐！(別取笑我太 out，麥亞菲確實有段時間在地穴內活了一陣子….. -.-) 晚餐分兩個價錢，分別是 $198 及 $298，各有前菜 (湯或沙津) / 主菜 / 甜品 / 飲品各一，非常適合麥亞菲呢類又懶又唔係太想渣主意的人。

麥亞菲及友人L 都選了比較平的晚餐，點了凱撒沙津，主菜要白汁煙肉意粉，甜品要了 Mini brownie 伴雪榚。

頭盤的凱撒沙津不過不失，份量十足，絕不會因為叫 SET 而求奇俾兩三塊生菜菜葉 (扮羅馬生菜) 就算；反而友人 L 的洋蔥湯算是精彩，賣相十足十 CAFE WORLD 裡面的 Onion soup… ….

主菜麥亞菲要了意粉，其實有點搵笨，去到呢 d 餐廳竟然食意粉；咪睇佢咁樣，其實好大碟，而且勁 creamy，(同埋好肥好膩.-.-)，麥亞菲吃了一半就投降，要將餘下的包返屋企再食..

甜點往往都係最精彩，大大球雪榚放在微暖的 brownies 上，好好味 (當然係好邪惡啦.. .\/.)，麥亞菲三扒兩勃就已經搞掂o左佢了…

其實二百幾蚊的晚餐可能仲有好多選擇，不過近年來生活及工作上所受的壓力也不小，工餘後總想吃一餐好的來獎勵自己，價錢已經唔係一個重要的因素了。