樓上 cafe 巡禮 (四) – 來吧！傻狗！- Mad Dog Come
銅鑼灣的景隆街有楝唐樓，唐樓內有三間樓上 cafe，麥亞菲日前就同小狗走到三樓那間cafe (走到氣咳，老人家真係唔行得.. =.=) 探探佢鄉里 XDDD
Mad Dog Come – 名乎其實的一間狗 cafe。老闆娘在 Cafe 養了八隻狗，小狗們都好客得很；浦一坐下鋼毛獵狐爹利 Afo 就咬住個膠波走來要麥亞菲同佢玩。 
麥亞菲去的當日，cafe 就有三隻鋼毛獵狐爹利，一隻史立莎及客人帶來的黑色史立莎 travelCharco (唔該哂Anita 
) ，小小 cafe 多多狗，熱鬧都不得了。獵狐媽媽 we we 好靜，常咬了個波放在你面前唔郁，你一執佢個波就會同你鬥搶，永遠是最鬥氣的一個；仔仔 Afo 最活躍，經常要你同佢玩掟波，玩小陣都唔得；女女 nana 最過癮，樣子高貴，但老闆娘一唱 『nana 歌』(jobsdb主題曲，但係歌詞變哂『nana』)佢就會彈彈下走到佢面前撒嬌….還有那隻灰色的史立莎，像馬的很愛走花步，非常趣緻….
食物方面，晚餐價錢貴了一點，$75 的晚餐包括一個前菜，意粉及飲品；食物質素不錯丫，只是意粉的份量小了一點，但有狗仔相伴，食物已經是其次了！
順帶一提，cafe 內亦附設寵物美容服務，老闆娘亦歡迎客人帶狗狗來 cafe 交流；為避免人多及小狗倒忙於招呼客人，應最好於閒日光顧，那就可以多點機會與狗狗玩啦！
另，若不幸 cafe 客滿，位於同楝大廈 boutique + cafe LOLL 也是一個不錯的選擇；落地玻璃，純黑的主色加閃閃的水晶燈，再配上英式大皮梳化，好 modern 英國感覺，不錯！
—–
Mad Dog Come
地址﹕銅鑼灣景隆街3號3樓
查詢﹕2838 3252
May
26
26
Haha.. 我就係黑色史立莎o既主人, 我要澄清, 我仔仔叫 Charco, 唔係 Travel.. :p
Hello Anita:
咁o岩o既? 竟然o係 blog 度見到你!
其實寫完個 blog 之後o個日，我又上多去一次，今次仲見多兩次松鼠狗仔，好得意….不過三隻獵狐都玩得好倦.. 好快就o係我隔離訓著o左..冇得玩.. x_x
雖然係遠 (我o係屯門返工的-.-)，但係有空要去多次先！
你係咪成日都去的?
其實我係 search “黑色史立莎” o既資料, 咁o岩見到你個 blog..
係呀, 我差唔多個個星期都會上去, 但近來少左, 有時去下第二間…
始終佢地 d Fox Terrier 太癲啦..
♥靚哥哥姐姐….你好嗎…我地有新消息!!!!!!!!!!!!!!♥
我地mad dog come狗狗cafe終於搬了去新鋪了, 新地址0係*sogo後門對面果間馬拉松樓上一樓*
同埋新鋪會有寵物美容同埋狗狗旦糕,小食等, 11月3號正式再次為你們服務 ***
而11月9號起我地會分part將709張限量版10% VIP咭送出..good luck:)****
我地個facebook group 係:mad dog come
Tel num :63043920
Thank you for all yr support in these 3years =v=
Mad Dog Come的小狗敬上xxxxx
Omisa : 靚哥哥姐姐你地幾時嚟探我先…哈哈 =v=